Unha selección polas cinematografías contemporáneas de países da comunidade lusófona

PONTES – Semana do cinema galego e portugués é un proxecto que nace da experiencia de Abella Producións na realización de máis de 15 edicións de festivais e mostras de cinema, que na súa esencia celebran a diversidade e a proximidade dos idiomas galego e portugués. Este proxecto é a continuación da mostra de cinema Ponte Coa Lusofonía, celebrada ininterrompidamente na cidade de Vigo.

PONTES promove a diversidade do cinema galego e lusófono. Durante tres días en Galicia, exhibe filmes en galego, portugués e idiomas orixinarios de países como Portugal, Brasil, Angola, Mozambique, Cabo Verde, Guinea-Bisáu, São Tomé e Príncipe e Timor-Leste. Queremos que a cidade de Vigo volva transformarse na capital do cinema galego e lusófono con esta sexta edición de Pontes.

O noso obxectivo é crear pontes culturais a través do cinema e achegar o público galego ás novas narrativas que están a marcar a creación audiovisual nos países de lingua portuguesa.