Aberta a convocatoria da 6ª edición de PONTES

Pontes – Semana do Cinema Galego e Portugués abre o prazo de inscrición para a súa sexta edición, que se celebrará en Vigo durante o mes de outubro de 2026.

A convocatoria está dirixida a curtametraxes (ata 30 minutos) e longametraxes (máis de 30 minutos) producidas en Galicia ou en calquera dos países da Comunidade de Países de Lingua Portuguesa (CPLP): Portugal, Brasil, Angola, Mozambique, Cabo Verde, Guinea‑Bissau, São Tomé e Príncipe, Timor Leste e Guinea Ecuatorial.

As inscricións son gratuítas e estarán abertas do 8 de abril ao 13 de xullo de 2026, a través da plataforma Festhome.